Savol:
Ruxsat olmasdan yer uchastkalari, binolar, inshootlarga joylashgan geodezik punktlarni buzib yuborilsa uni tiklash uchun nima qilish kerak va uni xarajatlari kim tomonidan qoplanadi?
Javob:
Maxsus vakolatli davlat organini geodeziya punktlariga shikast yetkazilganligi yoki ular yo‘q qilinganligi hollari to‘g‘risida xabardor qilishi; shikast yetkazilgan, yo‘q qilingan geodeziya punktlarini tiklash yoki qayta qurish bilan bog‘liq xarajatlarning o‘rni o‘z faoliyati geodeziya punktlariga shikast yetkazilishiga, ularning yo‘q qilinishiga olib kelgan yoki o‘zining murojaati asosida geodeziya punktlarini qayta o‘rnatish amalga oshirilayotgan yuridik va jismoniy shaxslar tomonidan qoplanadi.
Savol:
Bino inshootlarni ta’mirlash yoki qayta qurishda xalal berayotgan geodezik punktni joyini o‘zgartirish yoki buzib tashalash uchun kimga murojaat qilish kerak?
Javob:
O‘zbekiston Respublikasining Geodeziya va kartografiya faoliyati to‘g‘risidagi Qonunining (2020 yil 2 iyuldagi O‘RQ-626 – son) 24-moddasiga ko‘ra tegishli tuman hokimliklarini ogohlantirish kerak (chunki geodezik punktlarni maxofaza etish hokimliklarga yuklatilgan) hamda vakolatli davlat organi (Iqtisodiyot va moliya vazirligi huzuridagi Kadastr agentligi) ruxsati bilan amalga oshirilish mumkin.
